مش هقصدك وقت الرحيل ..ولا هنزعك
من جدرك الممدود قدر
ولا هرتجيكي .. م المطر
مش هقصدك وقت الرحيل .. ولا هزعجك .
(... )
طواحين / طواحين
- طواحين بتلفك ع الفكرة -
طواحين بتلم هواكي و بتخبية
وانا تاية
بينك ومابين بين ,,الوقت
انا تاية
زي ما بتفارق مراسيكي الشط
زي ما بتفارق قضبانك
....عجلات القطر
انا تاية ..
زي ما بتوهي بالظبط
.............
وقت الرحيل مش هقصدك
مش هرتجيكي م القدر
و لا هرهبك وقت الخطر
و متسأليش معني الرحيل
موسي بيصبر ع الغلط
الخضر بيعلم / فرعون غرق
وطني بيتكلم
و انا خلصت/ و مش فاضي
أنا خلاص
راحل

مقطع سفر

أمي

ساير أنا وبحبها مخبول
ساير انا وداير بقول
بحبها
ساير انا وبحبها
ولا عمره يوم
ح يكون خجل
ولا ييجي يوم
أخاف اقول
وساعات بحس
بحبها بيسري ف دمايا
وف دمايا ساعات
بحس بجرحها
عايش معايا
حبيبتي لكن من زمان
بينا سفر لكن معايا
بينا قدر
لكن هواها
عاشق ياناس جم هوايا
وبحبها راضي انا
وبقلبها عايش انا
ما أنا منها
وساعات كتير بحزن
عليها لكنها
صامده قوي
جبل كبير
خوفها عليه
ساعات بيكبر
وابقي كبير

مفتتح الوحده
أنت تجلس وحدك
تري امرأه جميله
بيضاء وثلجا
تعدو نحوك
تمسك
كلتا يديك
تشعلهما بروده
تشتعل الوحده
ثلج ابيض
ويذوب الثلج
يذوب الثلج
يذوب الثلج
وتبقي وحدك