أمي

ساير أنا وبحبها مخبول
ساير انا وداير بقول
بحبها
ساير انا وبحبها
ولا عمره يوم
ح يكون خجل
ولا ييجي يوم
أخاف اقول
وساعات بحس
بحبها بيسري ف دمايا
وف دمايا ساعات
بحس بجرحها
عايش معايا
حبيبتي لكن من زمان
بينا سفر لكن معايا
بينا قدر
لكن هواها
عاشق ياناس جم هوايا
وبحبها راضي انا
وبقلبها عايش انا
ما أنا منها
وساعات كتير بحزن
عليها لكنها
صامده قوي
جبل كبير
خوفها عليه
ساعات بيكبر
وابقي كبير